काठमाडौँ । काठमाडौँ महानगरपालिकाले वडाका लागि छुट्याएको बजेट ४ किस्तामा उपलव्ध गराउने भएको छ । महानगरपालिकाले चालु र पुंजीगत खर्चका लागि बिनियोजन गरेको रकम खर्च गर्न बनाएको मार्गदर्शनमा यस्तो व्यवस्था गरिएको हो ।
मार्गदर्शन अनुसार हरेक वडा कार्यालयले अब अघिल्लो पटक निकासा भएको रकमअनुसारका कार्यक्रममको विस्तृत प्रगति विवरण उपलव्ध नगराएसम्म अर्को किस्ता उपलव्ध गराइने छैन ।
बजेट खर्च मनपरी हुन थालेको भन्दै महानगरले मार्गदर्शन जारी गरेर बजेट खर्चलाई व्यवस्थित बनाउने खोजेको महानगरपालिकाले जनाएको छ ।
महानगरभित्रका हरेक वडाका अध्यक्ष र जनप्रतिनिधिले अब महिनामा ४ वटा बैठकको मात्र भत्ता सुविधा पाउनेछन् । तर बैठक भने आवश्यकताअनुसार बस्न सक्ने महानगरले जारी गरेको मार्गदर्शनमा उल्लेख छ ।
प्रदेश सरकारले बनाइदिएको कानुनभित्र रहेर लिन पाइने यस्तो सुविधा अब ४ पटकभन्दा वढी लिन नपाइने व्यवस्था गरिएको महानगरको भनाइ छ ।
वडा कार्यालयहरुले महानगरले निकासा गरेको रकम बाहेक थप आथिृक दायित्व सिर्जन ागर्नेगरी निणृय गर्नसमेत नपाउने भएका छन् ।
महानगरले दिएको रकमबाहेकका क्षेत्रमा थप आर्थिक दायित्व बहन गर्नुपर्ने अवस्था आएमा पूर्व स्वीकृति लिनुपर्ने व्यवस्था मार्गदशर्नमा गरिएको छ ।
महानगरले वडा कार्यालयले गर्ने मसलन्द, पत्रपत्रिका, विज्ञापनलगायतका खर्चमा समेत कडाइ गरेको छ । महानगरले ३० बुँदे मार्गदर्शनमार्फत वडा कार्यालयलाई यस्ता सर्त र बन्देज लगाएको हो ।
यस्तो छ मार्गदर्शन
