काठमाडौँ । काठमाडौँ महानगरपालिकाले नेकपा एमालेलाई इमेलमार्फत जरिमाना गरिएको पत्र पठाएको छ । गत शुक्रबार काठमाडौँको दरबारमार्गमा एमालेले जागरणसभा गरेको थियो ।
सो सभाका क्रममा सडक तथा सडकपेटीमा फोहोर गरेको भन्दै काठमाडौँ महानगरले एमालेलाई एक लाख रुपैयाँ जरिमाना गरेको पत्र सार्वजनिक भएको थियो ।
तर, आइतबार बिहानसम्म पनि एमालेले आफूलाई आधिकारिक पत्र नआएको बताइरहँदा काठमाडौँ महानगरको प्रहरी पत्र लिएर आइतबार दिउँसो पौने २ बजे एमाले मुख्यालय च्यासल पुगेका थिए । महानगरका प्रहरीलाई जागरणसभाको आयोजक एमाले केन्द्रीय कार्यालय नभई काठमाडौँ, ललितपुर र भक्तपुर जिल्ला कमिटी रहेकाले उतै पत्र दिन भनिएको थियो । तर, पत्र दर्ता गर्न नमाने पनि एमाले कार्यालय सचिवले पत्र भने बुझेको महानगरको प्रहरी निरीक्षक किशोर भट्टराईले बताएका थिए ।
महानगरपालिकाको नगर प्रहरी बलको आधिकारिक इमेलबाट नेकपा एमालेको आधिकारिक इमेलमा पत्र पठाएर जरिमाना गरिएको जानकारी गराइएको छ ।
-1732266910.jpg)
