कीर्तिपुरका २ वटै वडामा कांग्रेसको क्लीन स्वीप, वडा ४ मा बानियाँ निर्वाचित
काठमाडौँ । कीर्तिपुर नगरपालिकाको वडा नम्बर ४ को वडाध्यक्षमा पनि कांग्रेस उम्मेदवार विजयी भएका छन् ।
कांग्रेसका राजेन्द्र बानियाँले १ हजार १५५ मत ल्याएर जित हासिल गरेका हुन् । यसअघि कीर्तिपुरका वडा नम्बर १ कांग्रेसको पोल्टामा गइसकेको छ ।
मेयरको प्रतिस्पर्धामा पनि कांग्रेस उम्मेदवारले अग्रता लिइरहेका छन् ।
निकटतम् प्रतिद्धन्द्धी बनेकी स्वतन्त्र उम्मेदवार पविता खड्काले ८०६ मत ल्याइन् । माओवादीका नारायण विष्टले ३८१, एमालेका बद्री बुढाथोकीले ४६० भोट पाए । राप्रपाका बिजेश बस्नेतले १४२ मत पाए ।
२०७९ मा यस वडाबाट १३८० भोट ल्याएर स्वतन्त्र उम्मेदवार श्यामकुमार अधिकारी निर्वाचित भएका थिए । श्यामकुमारसँग पराजित बानियाँ यसपटक विजयी भएका हुन् ।
प्रकाशित मिति: सोमबार, मंसिर १७, २०८१ ११:४३
प्रतिक्रिया दिनुहोस्
थप समाचार
साताको लोकप्रीय
