काठमाडौँ । स्थानीय तह उपनिर्वाचनमा राष्ट्रिय स्वतन्त्र पार्टी (रास्वपा)ले २० स्थानमा जमानत गुमाएको छ । आइतबार सम्पन्न स्थानीय तह उपनिर्वाचनको मतपरिणाम आइरहँदा रास्वपाले २० स्थानमा जमानत गुमाएको हो ।
काठमाडौँको काठमाडौँ महानगरपालिका वडा नम्बर १६ को वडाध्यक्ष पदमा जितेर रास्वपाले ‘क्लिनसिप’ हुनबाट जोगिए पनि २० स्थानको भने जमानत रक्षा गर्न सकेन । सदर मतको १० प्रतिशत मत ल्याउन नसक्ने उम्मेदवारको जमानत सफत हुने संवैधानिक व्यवस्था रहेको छ ।
यही हुन् जमानत गुमाउने रास्वपाका उम्मेदवार र स्थान
– ताप्लेजुङको सिरिजङ्घा गाउँपालिका–३, देवी पौडेल
–तेह्रथुमको लालीगुराँस नगरपालिका–८, सञ्जीव खड्का
–मोरङको ग्रामथान गाउँपालिका, नवीन विश्वास खवास
– सुनसरीको गढी गाउँपालिका, शशिकुमार साहु
– उदयपुरको त्रियुगा नगरपालिका–१२, ध्रुवप्रसाद पोखरेल
– महोत्तरीको रामगोपालपुर नगरपालिका–२, खुरसैद खाँ
– रौतहटको ईशनाथ नगरपालिका–७ मा शेख असराज
– नुवाकोटको ककनी गाउँपालिका–२, मंगलसिद्धि लामा तामाङ
– मकवानपुरो हेटौंडा उपमहानगरपालिका–१२, आशावीर बल
– गोरखाको गोरखा नगरपालिका–५, मंगलबहादुर थापा
– गुल्मीको मुसिकोट गाउँपालिका, विकास थापा
– कपिलवस्तुको शुद्धोधन गाउँपालिका–१, अवधेशकुमार चौधरी
– रोल्पाको रुन्टीगढी गाउँपालिका–४, हिमबहादुर पुन
– बर्दियाको ठाकुरबाबा नगरपालिका–४, बासुदेव शर्मा
– कालीकोटको तिलागुफा, गगन बम
– दैलेखको दुल्लु नगरपालिका–१३, रामबहादुर शाही
– दैलेखको महाबु गाउँपालिका, प्रकाश बुढा
– बाजुराको नलगाढ नगरपालिका, पार्वती पुन
– डोटीको पूर्वचौकी गाउँपालिका–६ जानकीकुमारी खड्का
– कञ्चनपुरको भीमदत्त नगरपालिका–६, रामदत्त भट्ट
