काठमाडौं । जापानले सरकारी कर्मचारीलाई सातामा तीन दिन बिदा दिने तयारी गरेको छ । जापानले जन्मदर कम हुनुका साथै भएका बच्चाको रेखदेखलाई ख्यालमा राखेर हप्ताको तीन दिन बिदा दिने प्रस्ताव अघि सारेको छ ।
जापानको राजधानी टोकियामा सरकारी कर्मचारीलाई हप्तामा तीन दिन बिदा दिनुपर्ने प्रस्ताव अघि बढाइएको हो ।
टोकियोका गभर्नर युरिको कोइकेले अभिभावकत्वलाई प्रोत्साहित गर्ने राष्ट्रव्यापी प्रयासअन्तर्गत राजधानीमा सरकारी कर्मचारीका लागि हप्तामा तीन दिन बिदा दिने र बाँकी चार दिन मात्र काममा लगाउनुपर्ने प्रस्ताव गरेका जापानी सञ्चार माध्यमले जानकारी दिएको छ ।
जापानको न्यून जन्मदरलाई शान्त संकटकालीन अवस्थाको संज्ञा दिएका जापानका प्रधानमन्त्री सिगेरु इसिबाले उचित नीति अवलम्बन गर्ने बताए ।
मंगलबार जापानका गभर्नर युरिको कोइकेले तीन दिन बिदा दिन प्रस्ताव गरेका हुन् ।
‘हामी हाम्रो कार्यशैलीलाई लचिलो रुपमा समीक्षा गर्दै जानेछौँ ताकि कसैले पनि जन्म दिनु र बच्चाको हेरचाहजस्ता जीवनका घटनाहरूका कारण आफ्नो करियर छोड्नु नपरोस्,’ कोइकेले २०२४ को टोक्यो मेट्रोपोलिटन एसेम्ब्लीको चौथो नियमित सत्रको उद्घाटन कार्यक्रममा भने ।
आगामी आर्थिक वर्षको अप्रिल २०२५ देखि यो प्रणालीलाई प्रत्येक हप्ता एक दिनको बिदामा परिवर्तन गर्ने प्रस्ताव गरिएको छ ।
आफ्नो नीतिगत वक्तव्यमा कोइकेले महिला सशक्तीकरणको प्रचार गर्ने परियोजना ‘विमेन इन एक्शन’ सुरु गर्ने घोषणा गरे ।
