पर्सामा रवि लामिछानेसहित १४ जनाविरुद्ध पक्राउ पुर्जी जारी
वीरगञ्ज । सहकारी ठगी प्रकरणमा अनुसन्धान गर्न पर्सामा राष्ट्रिय स्वतन्त्र पार्टी (रास्वपा) का सभापति तथा पूर्वगृहमन्त्री रवि लामिछानेसहित १४ जनाविरुद्ध पक्राउ पुर्जी जारी भएको छ ।
वीरगञ्जको सानो पाइला सहकारी ठगी प्रकरणमा अनुसन्धान गर्न लामिछानेसहित १४ जनाविरुद्ध पक्राउ पुर्जी जारी भएको हो ।
बुधबार जिल्ला अदालत पर्साले रविसहित १४ जनालाई पक्राउ गरी अनुसन्धान गर्न पर्सा प्रहरीलाई अनुमति दिएको हो ।
सानो पाइला सहकारीको करिब ९२ करोड अपचलन भएको विषयमा अनुसन्धान गर्न उनीहरुविरुद्ध पक्राउ पुर्जी जारी भएको हो ।
गत कात्तिक २ गते पक्राउ परेका रविमाथि कास्कीको सूर्यदर्शन सहकारी, बुटवलको सुप्रिम सहकारी, चितवनको साहारा, काठमाडौँको स्वर्णलक्ष्मी सहकारीमा भएको रकम अपचलनमा पनि अनुसन्धान भइरहेको छ ।
प्रकाशित मिति: बुधबार, मंसिर १९, २०८१ १७:४७
प्रतिक्रिया दिनुहोस्
थप समाचार
साताको लोकप्रीय
