मकवानपुर । थाहा नगरपालिकाको प्रमुख प्रशासकीय अधिकृतको जिम्मेवारी सुरेन्द्र प्रधानले सम्हालेका छन् । यसअघिका कृष्ण गिरी सरुवा भएपछि प्रधानले थाहा नगरपालिकाको प्रमुख प्रशासकीय अधिकृतको जिम्मेवारी सम्हालेका हुन् । 

प्रधानले शुक्रबारदेखि आफ्नो जिम्मेवारी सम्हालेको थाहा नगरपालिकाका सूचना अधिकारी सुरजकुमार भुजेलले जानकारी दिए । 

‘थाहा नगरपालिकाको प्रमुख प्रशासकीय अधिकृत कृष्ण गिरी सर सरुवा हुनुभयो,’ उनले भने, ‘त्यसपछि सरुवा भएर आउनु भएका सुरेन्द्र प्रधानले आजबाट आफ्नो जिम्मेवारी सम्हाल्नु भएको हो । 

कार्यभार सम्हाल्न पुगेका प्रधानलाई नगर प्रमुख विष्णबहादुर विष्टसहितका जनप्रतिनिधि र कर्मचारीले स्वागत गरेका थिए ।