काठमाडौँ । राष्ट्रिय तथ्यांक कार्यालयले देशभरका विभिन्न स्थानीय तह पुगेर राष्ट्रिय बहुसूचक सर्वेक्षण थालेको छ ।

मंंसिर अन्तिम साताबाट सुरु भएको यो सर्वेक्षण हरेक ५ वर्षमा गरिने गरिन्छ । कार्यालयका अनुसार देशभरका ७५३ स्थानीय तहमध्ये ५४० स्थानीय तहमा यो सर्वेक्षण हुँदैछ । 

सूदुरपूर्वको ताप्लेजुंङदेखि सूदूरपश्चिमको कञ्चनपुरसम्मका ५४० स्थानीय तहका छानिएका वडाका घरधुरी पुगेर सर्वेक्षण गरिने कार्यालयले जनाएको छ । 

कार्यालयले ५ महिना लगाएर गर्ने सो सर्वेक्षणमा विशेष गरेर महिला र वालवालिकाको अवस्थाबारे जानकारी संकलन गर्ने गरिएको छ । 

युनिसेफको सहयोगमा हरेक ५ वर्षमा हुने यो सर्वोक्षण पछिल्लो पटक २०७६ सालमा भएको थियो । २०७१ सालमा प्रति १ हजार जीवित जन्मेका शिशुहरूमध्ये १ वर्ष उमेर नपुग्दै ३३ जना शिशु मृत्यु भएको थियोे । २०७६ सालमा भएको सर्वेक्षण अनुसार सो घटेर २५ जनामा झरेको छ । 

सोही अवधिमा ५वर्षमुनिका बालबाललिकाको मृत्युदर पनि प्रति १ हजार जीवित जन्मेका बालबालिकामध्ये ५ वर्ष उमेर नपुग्दै ३८ जना बाल मृत्युबाट घटेर २८ जनामा झरेको थियो । त्यसै गरी प्रति १ हजार जीवित जन्मेका नवजात शिशुहरूमध्ये १ महिना उमेर नपुग्दै २३ जना नवजात शिशु मृत्युबाट झरेर १६ जनामा रहेको देखिएको थियो । 

हेर्नुहोस् कुन पालिकाको कुन वडामा हुँदैछ सर्वेक्षण