काठमाडौँ । सर्वाेच्च अदालतले प्रहरीको न्यायिक हिरासतमा रहेका मेडिकल व्यवसायी दुर्गा प्रसाईंलाई रिहा गर्न आदेश दिएको छ । 

शुक्रबार बन्दी प्रत्यक्षीकरणको रिटमाथिको सुनुवाइ गर्दै न्यायाधीशद्वय नहकुल सुवेदी र शारङ्गा सुवेदीको संयुक्त इजलासले प्रसाईंलाई रिहा गर्न आदेश दिएको हो ।

साइबर अपराधको कसुरमा पक्राउ परेका प्रसाईं ४० हजार धरौटीमा रिहा भएलगत्तै आपराधिक लाभ र संगठित अपराधको कसुरमा पक्राउ गरिएको थियो । यसविरुद्ध परेको बन्दी प्रत्यक्षीकरणको रिटमा शुक्रबार उक्त आदेश भएको हो ।