काठमाडौँ । बागमती प्रदेशका मुख्यमन्त्रीले प्रदेश राजधानीमा मन्त्री र सचिव नै भेटिन नसकेको गुनासो गरेका छन् ।

मन्त्री र सचिवहरु नै भेट्न गाह्रो हुन थालेको भन्दै मुख्यमन्त्री बहादुरसिंह लामाले आफू नेतृत्वको मन्त्रिपरिषद्मा रहेका मन्त्रीहरुलाई ४ दिन र सचिवहरुलाई ५ दिन हेटौंडामै बस्न निर्देशन दिएका छन् ।

मन्त्री र सचिवहरु मन्त्रालयमा नभेटिने गरेका कारण बजेट कार्यान्वयनमा समस्या उत्पन्न भएको र यसले विकास निर्माण कार्यमा पनि नकारात्मक असर पुगेको भन्दै मुख्यमन्त्री लामाले यस्तो निर्देशन दिएका हुन् ।

बागमती प्रदेश सरकारको पछिल्लो महिनाको प्रगति समीक्षा बैठकलाई सम्बोधन गर्दै मुख्यमन्त्री लामाले यस्तो निर्देशन दिएका हुन् । 

मन्त्रालयगत खर्च कमजोर भएको र विशेष गरेर बहुवर्षिय योजनामा अपेक्षाकृत उपलब्धी हासिल हुन नसकेपछि उनको यस्तो निर्देशन आएको हो ।