काठमाडौँ । चिनियाँ ह्याकरको कब्जामा पुगेका नेपालका अधिकांश स्थानीय तहको वेब साइट फिर्ता ल्याइएको छ । केही दिनयता अधिकांश स्थानीय तहको वेब साइट खुलेका थिएनन् । ती वेब साइट चिनियाँ ह्याकरले कब्जा गरेको थियो ।
तर, अहिले चिनियाँ ह्याकरको कब्जामा पुगेका स्थानीय तहका वेबसाइट फिर्ता ल्याइएको संघीय मामिला तथा सामान्य प्रशासन मन्त्रालयको सूचना प्रविधि शाखाका इन्जिनियर भुवन केसीले जानकारी दिए । ‘चिनियाँ ह्याकरको कब्जामा पुगेका स्थानीय तहका वेब साइट फिर्ता आइसकेको छ,’ उनले वडापालिकासँग भने ।
वेब साइट फिर्ता ल्याइएसँगै अहिले धमाधम पासवर्ड परिवर्तन गर्ने कार्य भइरहेको उनले बताए । एक दुई दिनमै देशभरका सबै स्थानीय तहका वेब साइट खुल्ने उनले जानकारी दिए ।
‘अहिले ह्याकरको कब्जाबाट वेब साइट फिर्ता ल्याइसकेको छ । धमाधम पासवर्ड परिवर्तन गर्ने कार्य भइरहेको छ,’ उनले भने, ‘अबको एक दुई दिनमै सबै स्थानीय तहको वेब साइट खुल्नेछ ।’
