प्रभु बैंकको डिजिटल काउन्टर सञ्चालनमा, के–के पाइन्छ सेवा ?
काठमाडौं । अंग्रेजी नयाँ वर्ष २०२५ को सुरुवातसँगै प्रभु बैंकले विद्युतीय कारोवारलाई प्रवर्द्धन गर्ने उद्देश्यले स्वचालित काउण्टर प्रभु डिजिटल क्युब सञ्चालनमा ल्याएको छ ।
काउण्टरमार्फत क्यास डिपोजिट, क्यास रिसाइक्लिङ, चेक डिपोजिट, स्टेटमेन्ट प्रिन्टिङ, एटीएम तथा नगद जम्मा गर्न, क्लियरिङ चेक जम्मा गर्न, खाताको स्टेट्मेण्ट प्रिन्ट गर्न सकिनेलगायतका सेवाहरू आफैले प्राप्त गर्न सक्ने बैंकले जनाएको छ ।
यस सेवाको सुरुवातसँगै कार्यालय समय कुरेर काउण्टरमा लाइन लागी बैंकिङ सेवा लिनुपर्ने झन्झटको अन्त्य भएको छ ।
हाल यो सेवा बैंकको मुख्य कार्यालय, बबरमहलबाट उपलब्ध गराइएको र निकट भविष्यमा आवश्यकताअनुसार अन्य स्थानमा समेत बिस्तार गरिने बैंकले जानकारी दिएको छ ।
आफूले संचालनमा ल्याएको यो नबिनतम सेवाबाट ग्राहक वर्गले पर्याप्त लाभ उठाउने बैंकको विश्वास छ ।
प्रकाशित मिति: बिहीबार, पुस १८, २०८१ २१:५०
प्रतिक्रिया दिनुहोस्
थप समाचार
साताको लोकप्रीय
