काठमाडौँ महानगरका निमित्त प्रमुख प्रशासकीय अधिकृतले दिए राजीनामा
काठमाडौँ । काठमाडौँ महानगरपालिकाका निमित्त प्रमुख प्रशासकीय अधिकृत गोविन्द शर्माले पदबाट राजीनामा दिएका छन् ।
प्रमुख प्रशासकीय अधिकृत सरोज गुरगाईं बिदामा बसेपछि शिक्षा विभागका प्रमुखसमेत रहेका शर्माले निमित्त प्रमुख प्रशासकीय अधिकृतको जिम्मेवारी सम्हालेका थिए । तर, सोमबार उनले पदबाट राजीनामा दिएका हुन् ।
‘उहाँले राजीनामा दिएको भन्ने सुनेको छु, औपचारिक जानकारी छैन,’ काठमाडौँ महानगरका प्रवक्ता नवीन मानन्धरले वडापालिकासँग भने ।
जागिर अवधि १५ महिना बाँकी रहँदा शर्माले पदबाट राजीनामा दिएसँगै महानगर नीतिगत, शिक्षा र प्रशासनिक गरी सबै किसिमको नेतृत्वविहीन भएको छ ।
प्रकाशित मिति: सोमबार, पुस २२, २०८१ १५:५६
प्रतिक्रिया दिनुहोस्
थप समाचार
साताको लोकप्रीय
