काठमाडौँ । साना किसान विकास लघुवित्त वित्तीय संस्थाले १४ प्रतिशत बोनस सेयर प्रदान गर्ने भएको छ ।
संस्थाको २३औँ वार्षिक साधारणसभामा सञ्चालक समितिको तर्फबाट अध्यक्ष खेमबहादुर पाठकले प्रस्ताव गरेको १३ दशमलव ३ प्रतिशत बोनस र कर प्रयोजनका लागि नगद लाभांश शून्य दशमलव ७ प्रतिशत गरी १४ प्रतिशत बोनस सेयस प्रदान गर्ने प्रस्ताव साधारणसभाले पारित गरेको छ ।
साना किसान आर्थिक वर्ष २०७९/८० मा ७७ करोड ३५ लाख रुपैयाँ खुद नाफा रहेकोमा आ.व वर्ष २०८०/८१ मा १९.१८ प्रतिशतले वृद्धि भई नाफा ९२ करोड १९ लाख रुपैयाँ पुगेको छ ।
यसैगरी आ.व २०७९/८० मा कुल सञ्चालन आम्दानी १ अर्ब ६६ करोड ९५ लाख रुपैयाँ रहेकोमा आ.व. २०८०/८१ मा ३१ प्रतिशतले वृद्धि भई २ अर्ब १९ करोड ४१ लाख रुपैयाँ पुगेको छ ।
साना किसान विकास लघुवित्त वित्तीय संस्थाको देशका ७७ जिल्लाका ५४६ स्थानीय तहहरुमा १ हजार ६९२ साझेदार संस्था आवद्ध छन् ।
१२ लाख ३३ हजार ६८४ परिवारलाई लघुवित्त सेवा पु¥याउन सफल यस संस्थामा दलित १२ प्रतिशत, जनजाति ३४ प्रतिशत र अन्यको ५४ प्रतिशत रहेकोमा महिला सहभागिता ८० प्रतिशत रहेको छ ।
