काठमाडौँ । संसद्‌को सार्वजनिक लेखा समितिका सभापति ऋषिकेश पोखरेलका पूर्वस्वकीय सचिव अनिल कुमार पोखरेल ठगी आरोपमा पक्राउ परेका छन् ।

एमबीबीएसको प्रवेश परीक्षामा नाम निकालिदिने भन्दै सप्तरीका बौआलाल चौधरीसँग ३८ लाख ८० हजार रुपैयाँ लिएर गठी गरेको आरोपमा उनी पक्राउ परेका हुन् । 

केही दिनअघि उनीविरुद्ध पक्राउ पुर्जी जारी भएको थियो । पक्राउ पुर्जी जारी भएपछि लेखा समिति सभापति ऋषिकेशले उनलाई स्वकीय सचिवबाट बर्खास्त गरेका थिए । 

मोरङ प्रहरीले उनविरुद्ध एमबीबीएस परीक्षा पास गराई दिन भन्दै पैसा लिएको र ठगी गरी आपराधिक लाभ लिएको अभियोग लगाउने तयारी गरेको छ । उनी नेकपा एमालेका मोरङ जिल्ला सदस्य समेत हुन् ।