काठमाडौँ । इलामको सूर्योदय गरपालिकालाई सम्पन्नहरु बस्ने नगरका रुपमा चिनिन्छ । तर संघीय सरकारले तयार पारेको गरिब परिवारको प्रारम्भिक सूचीअनुसार भने यो नगरपालिकाभित्र ६२३ घर परिवार गरिबको सूचीमा परेका भएका छन् ।
मन्त्रालयले अति गरिब, मध्यम गरिब र सामान्य गरिबको सूची सार्वजनिक गर्छ । यो सूचीमा सुर्योदय नगरपालिका भित्रका जम्मा ६२३ घर परिवार परेका छन् ।
सूची अनुसार यो नगरपालिकाका ५ वटा वडामा एकजना पनि अति गरिबीको सूचीमा समावेश छैनन् । यसरी समावेश नहुने वडामा वडा नम्बर २, ५, ७, ८ र १३ नम्बर वडा छन् । यी वडामा मध्यम र सामान्य गरिबको संख्या भने देखिन्छ ।
सुर्योदय नगरपालिकाका अति गरिब परिवारमा पहिचान भएका परिवारमा अधिकांश जनजाति र दलित समुदायका मात्र छन् । बाहुन क्षेत्री समुदायबाट अति गरिबको सूचीमा जम्मा ६ वटा परिवार मात्र परेको तथ्यांकमा उल्लेख छ ।
तथ्यांक अनुसार वडा नम्बर १ मा १ जना दलित परिवार अति गरिब परिवारको सूचीमा समावेश छ ।
वडा नम्बर ३ मा ३ मा ७ जना अति गरिबको सूचीमा पर्दा एउटा परिवार ब्राम्हण र अन्य अन्य जनजाति र दलित परिवारका छन् । वडा नम्बर ४ मा १ जना अति गरीब समूहमा सूचीकृत छन् । यो परिवार पनि दलितको हो । वडा नम्बर ६ मा ३ जना अति गरीवको सूचीमा पर्दा २ जना ब्राम्हण १ जना दलीत परिवार छन् ।
वडा नम्बर ९ मा जनजाति समूदायका २ वटा परिवार अति गरिबको सूचीमा परेका छन् भने १० नम्बर वडामा ३ परिवार यो सूचीमा परेको छ । जसमा २ परिवार जनजाति र एउटा दलित परिवार छ ।
वडा नम्बर ११ मा ३ जना अति गरिब परिवारको पहिचान हुँदा २ परिवार जनजाति एउटा दलित समुदायको प्रतिनिधित्व गर्ने परिवार छ ।
वडा नम्बर १२ मा भने ९ वटा परिवार अति गरिबको सूचीमा परेको छ । जहाँ ८ वटा परिवार जनजाति र एउटा दलित समुदायका छन् । वडा नम्बर १४ मा भने ११ घर परिवार अति गरिबको सूचीमा परेका छन् । ती मध्ये क्षेत्री बाहुन समुदायका ३ र जनजाति समुदायका ८ परिवार छन् ।
