काठमाडौँ । नेकपा माओवादी केन्द्रका अध्यक्ष पुष्पकमल दाहाल प्रचण्ड र  नेकपा एकीकृत समाजवादीका अध्यक्ष माधव नेपालबीच भेटवार्ता भएको छ । 

बिहीबार दिउँसो सिंहदरबारमा प्रचण्ड र नेपालबीच भेटवार्ता भएको हो । दुई शीर्षनेताबीचको भेटवार्ताका क्रममा अन्य नेताहरु पनि सहभागी थिए । 

उनीहरुबीच संविधान संशोधनको एजेण्डाका विषयमा छलफल भएको सहभागी नेताहरुले जानकारी दिएका छन् । दुई शीर्षनेताको भेटलाई नियमितको रुपमा लिनुपर्ने बताएका छन् । साथै भेटमा समसामयिक र राजनीतिक विषयमा पनि कुराकानी भएको छ ।