काठमाडौँ । सहकारी ठगी, संगठीत अपराध र सम्पत्ति सुद्धिकरण अभियोग लागेका रास्वपा सभापति तथा पूर्व गृहमन्त्री रवि लामिछानेलाई कास्की जिलला अदालतले धरौटीमा रिहा गरेलगत्तै अन्य जिल्ला अदालतले के गर्लान भन्ने चासो बढेको छ ।
कास्की जिल्ला अदालतका न्यायाधीश नितिज राईको इजलासले सुर्यदर्शन सहकारी ठगी अभियोगमा पुरक जाहेरी परेका लामिछानेसहितका ७ जना प्रतिवादीलाई धरौटी लिएर तारेखमा रिहा गर्न आदेश दिए पनि हालसम्म कसैले धरौटी बुझाइसकेका छैनन् ।
तर लामिछानेको हकमा भने कास्कीबाहेक काठमाडौँ जिल्ला अदालतमा मुद्दा दर्ता भइसकेको छ भने बाँके जिल्ला अदालत, कास्की जिल्ला अदालत र रुपन्देही जिल्ला अदालतमा मुद्दा दर्ताको अन्तिम तयारी छ ।
रवि लामिछाने पोखरामा धरौटी बुझाएर रिहा भए भने काठमाडौँँ जिल्ला अदालतमा आफैँ उपस्थित हुन सक्छन् । तर काठमाडौँ प्रहरीले उनलाई धरौटीमा रिहा भएलगत्तै पोखरा नै पुगेर पक्राउ गरेर अदालतमा बुझाउन पनि सक्छ ।
यो निर्णय भने प्रहरीमा निर्भर रहन्छ । तर काठमाडौँ बाहेकका अन्य जिल्लामा भने उनीविरुद्ध अदालतमा मुद्दा दर्ताको चरणमा रहेकाले काठमाडौँ जिल्ला अदालत फेस गरेपछि पनि उनी अन्य अदालत जानुपर्ने हुन्छ ।
ती अदालतले कास्की जिल्ला अदालतले झै धरौटीमा रिहा गर्ने, साधारण तारेखमा छाड्ने या थुनामा राखेर मुद्दाको सुनुवाई अघि वढाउने आदेश दिन सक्छन् ।
