काठमाडौं । नेपाल माइक्रो इन्स्योरेन्सले आउँदो माघ ८ गतेदेखि आईपीओ निष्काशन गर्ने भएको छ । नेपाल माइक्रो इन्स्योरेन्सले वैदेशिक रोजगारीमा रहेका नेपाली नागरिकलाई २ लाख २५ हजार कित्ता सेयर निष्काशन गर्न लागेको हो ।

माघ २२ गतेसम्म आईपीओका लागि आवेदन दिन सकिनेछ भने न्युनतम १० कित्ता र अधिकतम १ लाख कित्ताको लागि आवेदन दिनुपर्नेछ ।

यही पुस २५ गते नेपाल धितोपत्र बोर्डले कुल २२ करोड ५० लाख रुपैयाँ बराबरको २२ लाख ५० हजार कित्ता सेयर निष्काशनको अनुमति दिएको थियो । 

कम्पनीले प्रति कित्ता १०० रुपैयाँमा आईपीओ निष्काशन गर्न लागेको हो । वैदेशिक रोजगारीमा रहेका नेपाली नागरिकलाई निष्काशन गरिएको आईपीओ बाँडफाँडपछि सर्वसाधारणलाई आईपीओ निष्काशन गर्ने इन्स्योरेन्सले जनाएको छ ।