काठमाडौँ । काठमाडौँ जिल्ला अदालतको आदेशअनुसार रास्वपा सभापति रवि लामिछानेलाई न्यायिक हिरासतमा लगिएको छ । 

काठमाडौं जिल्ला अदालतका न्यायाधीश माधवप्रसाद अधिकारीको इजलासले न्यायिक हिरासतमा राख्न आदेश भएपछि उनलाई जिल्ला प्रहरी परिसर काठमाडौँमा लगिएको हो । 

आइतबार रविको बयान भएको छ भने थुनछेक बहसको प्रक्रिया नसकिएकाले उनलाई न्यायिक हिरासतमा राख्न आदेश भएको हो । अदालतले सोमबार पुनः अदालत पेस गर्नेगरी रविलाई प्रहरीको जिम्मा लगाइएको हो । सोही आदेशबमोजितम भद्रकालीस्थित जिल्ला प्रहरी परिस लगिएको छ । 

कालीमाटीको स्वर्णलक्ष्मी सहकारीको रकम अपचलनको अभियोग लागेका उनी आइतबार बिहान कार्यालय समयअगावै अदालतम उपस्थित भएका थिए । 

गत बिहीबार कास्की जिल्ला अदालतका न्यायाधीश नीतिज राईको एकल इजलासले पोखराको सूर्यदर्शन सहकारीको रकम ठगीसहितको अभियोगमा ६५ लाख धरौटीमा रविलाई रिहा गर्न आदेश दिएकोे थियो । सोही आदेशपछि काठमाडौँ जिल्ला अदालतमा आफैँ उपस्थित हुने शर्तबमोजिम ६५ लाख धरौटी बुझाएर बिहीबार रिहा भएका रविलाई आइतबार पुनः प्रहरीको न्यायिक हिरासतमा पठाउन आदेश भएको हो । 

गत आइतबार (२१ पुस)मा जिल्ला सरकारी वकिलको कार्यालय काठमाडौँले रवि लगायतविरुद्ध ठगी अभियोगमा काठमाडौँ जिल्ला अदालतमा मुद्दा दर्ता गरेको थियो ।