रामेछापको सुनापतिमा बस दुर्घटना, २ जना गम्भीर घाइते
रामेछाप । सुतापति गाउँपालिका–३ देउसी चौतारोमा बुधबार बिहान भएको बस दुर्घटनामा परी दुई जना गम्भीर घाइते भएका छन् ।
रामेछापकै दोरम्बा शसैलुङ गाउँपालिका–५ रजमनटारबाट काठमाडौँ जाँदै गरेको बस दुर्घटनामा परेकोे हो । दुर्घटनामा परी गम्भीर घाइते भएका २ जनालाई उपचारको लागि काठमाडौँ पठाइएको सुनापति गाउँपालिका स्वास्थ्य शाखा प्रमुख चिनीमाया बलले जानकारी दिए ।
बा३ख ५९६० नम्बरको सो बस सडक किनारमा पल्टिएको छ । बसमा २५ बढी यात्री सवार थिए । गम्भीर बिरामीलाई एम्बुलेन्समा पठाइएको र अन्य बिरामीलाई गाउँपालिकाको गाडीमा पठाउने तयारी भइरहेको बलले जानकारी दिए ।
प्रकाशित मिति: बुधबार, भदौ २७, २०८० ११:४६
प्रतिक्रिया दिनुहोस्
थप समाचार
साताको लोकप्रीय
