Odapalika - The Fourth Estate - चौथो अंग
मेयर बालेनसँग सहकार्य हुन लागेको हो ? भीम रावलको यस्तो जवाफ 

कैलाली । मातृभूमि जागरण अभियानका संयोजक डा. भीम रावलले काठमाडौँ महानगरपालिकाका मेयर बालेन शाहसँग सहकार्यका विषयमा आफू खुला रहेको जानकारी दिएका छन् । 

धनगढी आइपुगेका रावलले काठमाडौं महानगरका मेयर बालेन शाहसँगको सम्भावित सहकार्यमा आफू खुला रहेको बताएका हुन् । 

राष्ट्रहितमा काम गर्ने जोसुकैसँग सहकार्य हुन नसक्ने जानकारी दिँदै उनले भने, ‘ठूला राजनीतिक दलहरू भागबन्डामा केन्द्रित भएका छन् । त्यसैले राष्ट्रसहितमा अगाडि बढ्ने बालेनजी हुनुहुन्छ कि जोजो हुनुहुन्छ, ती सबलाई एकजुट गरेर राष्ट्रको हितमा अगाडि बढ्छौँ ।’

आफूमाथि लगाइएको राजासँगको साँठगाँठको आरोप खण्डन गर्दै उनले सबै पक्ष र शक्तिसँग छलफल गरेर आफू राष्ट्रहितको पक्षमा काम गर्ने बताए । आफू छलफलको क्रममा रहेको जानकारी दिँदै उनले भने, ‘नागरिक, बुद्धिजीवी, राजनीतिक दलसँग आवद्ध व्यक्तिहरू छन् । उहाँहरूसँग छलफल गरेर अघि बढ्छु । मैले भनेकै हुनुपर्छ भन्ने छैन । सबैसँग छलफल गरेर नै अघि बढ्ने हो । हामीले आफ्नो नीतिसहित अभियान सुरू गरेका छौँ । अब छलफलको क्रममा सबैसँग हामी खुला छौं ।’

प्रकाशित मिति: शुक्रबार, माघ ४, २०८१  १२:१४
प्रतिक्रिया दिनुहोस्
साताको लोकप्रीय
Weather Update