३१ वर्षपछि दुग्ध विकास संस्थानले तिर्यो काठमाडौँ महानगरलाई सम्पत्ति कर
काठमाडौँ । दुग्ध विकास संस्थानले ३१ वर्षपछि काठमाडौँ महानगरपालिकालाई सम्पत्ति कर तिरेको छ । संस्थानले ३१ वर्षको एकै पटक सम्पत्ति करवापत महानगरलाई १ करोड २ लाख ८७ हजार ९२६ रुपैयाँ तिरेको छ ।
गत पुस २८ गतेको मूल्याङ्कनबमोजिम संस्थानले आर्थिक वर्ष २०४९/५० देखि चालु आर्थिक वर्ष २०८१/८२ सम्मको घरजग्गा/सम्पत्ति कर बुझाएको हो ।
काठमाडौँ महानगरको राजस्व विभागको पत्राचारपछि संस्थानले कर बुझाएको हो । विभागले संस्थानसहित सरकारका स्वामित्वमा भएका १२ वटा व्यावसायिक सङ्घसंस्थालाई कर दाखिला गर्न पत्राचार गरेको थियो ।
प्रकाशित मिति: शुक्रबार, माघ ४, २०८१ १२:२६
प्रतिक्रिया दिनुहोस्
साताको लोकप्रीय
