काठमाडौँ । ललितपुरको महांकाल गाउँपालिका उपाध्यक्ष डोल्मा माया गोले अन्तर्राष्ट्रिय अवार्डबाट सम्मानित भएकी छन् ।
भारतको नयाँ दिल्लीमा आयोजित एक कार्यक्रमबीच उपाध्यक्ष गोलेलाई ‘इन्टरनेशनल ओमेन्स लिडरसीप अवार्ड प्रदान गरिएको हो ।
यो अवार्ड इन्टरनेशनल अवार्ड फोरम अमेरिकाले आयोजना गर्दै आएको छ । हरेक वर्ष समाजका विभिन्न क्षेत्रमा उत्कृष्ट काम गरेर योगदान दिएका व्यक्तिहरुलाई यो संस्थले अवार्ड वितरण गर्दै आएको छ ।
उपाध्यक्ष गोलेका अनुसार यो संस्थाले उनीसहित नेपालका ४ जना व्यक्तिलाई पुरस्कृत गरेको छ । इन्टरनेशनल अवार्ड समिटको अवसर पारेर उनी पुरस्कृत भएकी हुन् ।
हाल महांकाल गाउँपालिका उपाध्यक्ष रहेकी गोले १४ वर्षको उमेरदेखि नै राजनीति र समाज सेवामा सक्रिय छिन् । तत्कालीन नेकपा माओवादीकी छापामार गोले माओवादी आन्दोलनका बेला लामाे समय जेलसमेत परिन । जेलबाटै एसएलसी पास गरेकी उनी हाल माओवादी केन्द्रको राजनीतिमा सक्रिय छिन् ।
