काठमाडाैँ । काठमाडौँ महानगरपालिकाले कम्तीमा ८ कक्षा पास गरेकाहरुका लागि ३ महिनो व्यावसायिक सीप विकास तालिम संचालन गर्ने भएको छ । 

निःशुल्क रुपमा संचालन हुने यो तालिममा सहभागी हुन आवेदन दिएर मात्रै पुग्दैन । महानगरले तोकेको निश्चित योग्यता भने पुरा भएको हुनुपर्ने महानगरको भनाइ छ । 

काष्ठकला, मूर्तिकला र हस्तकलाका विषयमा महानगरभित्र बसोवास गरिरहेकाहरुलाई पहिलो प्राथमिकतामा राखेर महानगरले तालिम दिने बताएको छ । हरेक समूहमा २० जनाका दरले ६० जनाले यो तालिम लिनसक्ने महानगरपालिकाले सूचनामार्फत जनाएको छ । 

१८ वर्ष पूरा भइ ४५ वर्षसम्मका व्यक्तिका लागि आयोजना गरिएको यो तालिममा सहभागी हुन इच्छुकले ५ फागुनसम्ममा काठमाडौँ महानगरको कार्यालय या महानगरले उपलव्ध गराएको डिजिटल ठेगानामार्फत आवेदन दिन सकिनेछ ।