काठमाडौँ । गायिका एलिना चौहानले उनका पतिसँग आजबाट औपचारिक रुपमा सम्बन्ध विच्छेद भएको जानकारी दिएकी छन् । 

सामाजिक सञ्जाल फेसवुकमा भावुक स्टाटस पोष्ट गर्दै उनले विवाहको ९ महिनामै सम्बनध विच्छेद भएको लेखेकी छन् । ९ महिना अघि उनले अष्ट्रेलियामा बस्दै आएका विष्णु सापकोटासँग विवाह गरेकी थिइन् । 

काठमाडौँ जिल्ला अदालतले अंश दाबी नगरेकी एलिना र विष्ण्ुाबीच सम्वनध विच्छेदको कानुनी प्रकृया पुरा गरिदिएको छ 

सम्वन्ध बिच्छेदपछि उनले लेखेकी छन् 

प्रिय बिष्णु, 

अग्निलाई साक्षी राखेर ७ फेरा लगाउदा गलेका खुट्टाहरु अझै उस्तै छन्

तिम्रो हातले रंगिएको मेरो सिउदो अनि सिन्दुरका डोबहरु अझै उस्तै छन् 

तिम्रा नाममा लगाएका हातभरिका चुरा अनि छिनछिन आवाज अझै उस्तै छन् । 

हामीलाई दुईबाट एक बनाएको सेतो लगनको गाँठो अझै उस्तै छ । 

वडा कार्यालयमा गएर बनाएको हाम्रो विवाहदर्ताको प्रमाणपत्र अझै उस्तै नयाँ छ । 

तर फेरा, चुरा, सिन्दुर, लगनगाँठो, विवाहदर्ता र शारीरिक मिलन मात्रै विवाह होईन रहेछ । 

भावनात्मक मिलन, आपसी विश्वास र समझदारी नै विवाहको मुख्य प्राण रहेछ । 

जुन रहेन अनि हाम्रो सम्बन्धमा अल्पायु मै पुर्णविराम लागेको छ। यो रहरले होईन । जुन बाध्यता तिमि, मलाई र भगवानलाई मात्र थाहा छ । 

आजदेखी स्वतन्त्र भएर कानुनी रुपमै आआफ्नो गन्तव्य तय गर्न बाटो खुलेको छ । 

पत्नीका रुपमा अधिकारले मैले पाउने सम्पत्ति तिम्रै प्रगति र उन्नतिका लागि छोडेको छु । 

तिमीलाई बाँकी जीवनको धेरै धेरै शुभकामना बिष्णु ।