काठमाडौँ । राष्ट्रिय प्राकृतिक श्रोत तथा बित्त आयोगले गरेको कार्यसम्पादन मूल्यांकनमा डडेलधुराको अमरगढी नगरपालिका उत्कृष्ट बनेको छ ।
आयोगका अनुसार अमरगढी नगरपालिका १०० पूर्णाङकमा ८१.७ अंकसहित पहिलो स्थानमा परेको छ ।
आयोगले स्थानीय तहका विभिन्न १७ वटा सूचकलाई आधार बनाएर हरेक वर्ष स्थानीय तहको कार्यसम्पादन मूल्यांकन गर्ने गर्छ ।
आयोगले देशभरका ७५३ वटै स्थानीय तहको कार्यसम्पादन मूल्यांकन अंक सार्वजनिक गर्दै गुनसो र अपील भए सात दिनभित्र आयोगमा सम्पर्क गर्न भनेको छ ।
सात दिनको सयम गुग्रिएपछि आयोगले कार्यसम्पादन मूल्यांकनको अनितम नतिजा सार्वजनिक गर्ने जनाएको छ ।
आयोगका अनुसार देशभरका गाउँपालिका मध्ये नेत्रावती डवजोङ गाउँपालिका गाउँपालिका र कालीगण्डकी गाउँपालिका ७८.२ अंकसहित पहिलो स्थानमा छन् ।
कार्यसम्पादन मूल्यांकनमा मधेशका स्थानीय तहहरुको अवस्था भने सन्तोषजनक देखिएको छैन । मधेशका धेरैजसो पालिका ५० भन्दा कम नम्बर पाउनेमा छन् ।
सबैभन्दा कम अंक पाउने पालिकामा भने तिलाठी कोइलाठी र सिम्रौनगढ नगरपालिका परेका छन् । दुबैले कार्यसम्पादन मूल्यांकनमा २९ नम्बर मात्र पाएका छन् ।
हेर्नुहोस् सबैभन्दा बढी र कम अंक पाउने पालिका
नेत्रावती डवजोङ गाउँपालिका ७८.२
आँधीखोला गाउापालिका ७८
कालीगण्डकी गाउँपालिका ७८.२
अमरगढी नगरपालिका ८१.७
सुर्याेदय नगरपालिका ८०.२
सन्धिखर्क नगरपालिका ८०.१
बनेपा नगरपालिका ७८
३५ भन्दा कम अंक पाउने पालिकाहरु
तिलाठी कोइलाठी गाउँपालिका २९
सिम्रौनगढ नगरपालिका बारा २९
डाक्नेश्वरी गाउँपालिका २९.८
क्षिरेश्वरनाथ नगरपालिका २९.८
सोनामा गाउँपालिका ३०.७
औरही गाउँपालिका ३१.१
छिन्नमस्ता गाउँपालिका ३२
रुपनी गाउँपालिका ३२.२
पकाहा मैनापुर गाउँपालिका पर्सा ३२
विगु गाउँपालिका दोलखा ३१.३
कोटिहीमाइ गाउँपालिका रुपन्देही ३१.४
भैरवी गाउँपालिका दैलेख ३२.४
जिराभावानी गाउँपालिका पर्सा ३२.४
धनपालथान गाउँपालिका ३२.९
देवाही गोनाही नगरपालिका रौतहट ३५
