काठमाडौँ । राष्ट्रिय प्राकृतिक श्रोत तथा बित्त आयोगले गरेको कार्यसम्पादन मूल्यांकनमा भक्तपुरका ४ स्थानीय तहमध्ये सुर्यविनायक नगरपालिकाको अवस्था अत्यन्त कमजोर देखिएको छ ।
भक्तपुरका ४ स्थानीय तहमध्ये सुर्यबिनायक नगरपालिकाले १०० अंकमध्ये ३७.७ अंकमात्र पाएको छ । आयोगका अनुसार चाँगुनरायण नगरपालिकाले ६२.६ अंक पाउँदा भक्तपुर नगरपालिकाले ६२ अंक पाएको छ ।
कार्यसम्पादन मूल्यांकनमा भक्तपुरका स्थानीय तहमध्ये मध्यपुर थिमि नगरपाकिला सबैभन्दा उतकृष्ट देखिएको छ । उसले ७०.७ अंक पायो भने सूर्यबिनायक नगरपालिका भने ३७.१ अंकमै समिति बन्यो ।
ललितपुरका स्थानीय सरकारको कार्यसम्पादन मूल्याङ्कनमा भने कोञ्ज्योसोम गाउँपालिका पहिलो देखिएको छ ।
ललितपुर जिल्लाका ६ स्थानीय तहमध्ये कोञ्ज्योसोम गाउँपालिकाले सबैभन्दा धेरै ७६ अंक ल्याएको छ । दोस्रो स्थानमा रहेको बागमती गाउँपालिकाले ७१.१ र तेस्रो स्थानको ललितपुर महानगरपालिकाले ६६.७ अंक पाएको छ ।
गोदावरी नगरपालिका, महाँकाल गाउँपालिका र महालक्ष्मी नगरपालिकाले ५० भन्दा कम अंक ल्याएका छन् । गोदावरी नगरपालिकाले ४४.९, महाँकाल गाउँपालिकाले ४४.२ र महालक्ष्मी नगरपालिकाले ३७.१ अंक पाएको छ ।
पहिलो स्थानमा रहेको कोञ्ज्योसोम गाउँपालिकाका प्रमुख प्रशासकीय अधिकृत युवराज आचार्यले सबैको मिहिनेतले सफलता प्राप्त गरेको बताएका छन् । उनले सबै जनप्रतिनिधि, कर्मचारीको मेहनत तथा स्थानीय बासिन्दाको साथ सहयोगले कोञ्ज्योसोम पहिलो हुन सफल भएको बताए ।
विभिन्न १७ सूचकहरुमा मूल्याङकन गरी वार्षिक रुपमा राष्ट्रिय प्राकृतिक स्रोत तथा वित्र् आयोगले स्थानीय तहहरुको कार्यसम्पादन मूल्याङकन गर्ने गर्दछ ।
स्थानीय तहको शिक्षा, स्वास्थ्य, आन्तरिक आय, पुँजीगत खर्चको अवस्था, कूल विनियोजन रकमको अवस्था, संकलित करबाट प्रदेश सञ्चित कोषमा जम्मा गर्नुपर्ने रकम जम्मा गरे नगरेको अवस्था, पूर्ण खोप कार्यान्वयन, गर्भवती महिलाको जाँचको अवस्था लगायतका सूचकहरुमा आयोगले मूल्यांकन गर्ने व्यवस्था छ ।
