काठमाडौँ । राष्ट्रिय सभाका सदस्यले बन्दीपुर गाउँपालिका वडा नम्बर ६ का वडाअध्यक्ष र रुपन्देहीको रोहनी गाउँपालिका–२ का वडा अध्यक्षलाई कारवाही गर्न माग गरेका छन् ।
राष्ट्रिय सभाको आजको बैठकमा बोल्दै नेकपा माओवादी केन्द्रका सांसद राधेश्याम पासवानले वडासचिवको घाँटी न्याक्दै कुटपिट गरेका वडा अध्यक्षलाई कारबाही गर्न सरकारसँग माग गरेका छन् ।
तनहुँको बन्दीपुर गाउँपालिका–६ का वडाध्यक्ष बलबहादुर गुरुङले वडासचिव नवीन भुसाललाई घाँटी न्याक्दै आक्रमण गरेका थिए ।
उनले रुपन्देहीको रोहनी गाउँपालिका–२ का वडाअध्यक्ष करम हुसेन खानले शिक्षा शाखा प्रमुख मधुप्रसाद घिमिरेलाई कुटपिट गरेको भन्दै उनलाई समेत कारवाही गर्न माग गरेका छन् ।
‘यो कुटपिटको घोर भत्र्सना गर्दछु । र यी वडा अध्यक्षलाई कारबाही गर्न सरकारसँग माग गर्दछु ।’
सांसदहरुले पछिल्ला दिन जनप्रतिनिधिबाटै कर्मचारी असुरक्षित हुँदै गएको भन्दै सरकारको ध्यानाकर्षण गराएका हुन् ।
