काठमाडौँ । ताप्लेजुङका स्थानीय जनताले राष्ट्रिय मुक्ति पार्र्टी (नेपाल) का अध्यक्ष राजेन्द्र महतोलाई कालोझण्डा देखाएका छन् ।
नो केवलकार समूहले आयोजना गरेकये पदयात्रामा सहभागी भएर फर्कने क्रममा उनलाई ताप्लेजुङका स्थानीय नागरिकले कालो झण्डा देखाएका हुन् ।
उनी ‘नो केबलकार समूह’ले आयोजना गरेको पदयात्रामा सहभागी हुन ताप्लेजुङ पुगेकय थिए । महतोलाई सदरमुकाममा स्थानीयले कालो झण्डा देखाएर उनको गतिविधिको विरोध गरेका हुन् ।
जिल्लाको विकासका लागि बनिरहेको केबलकारको विरोधमा विभिन्न जिल्लाबाट पुगेकाहरूको साथमा गएका महतोले जिल्लाको शान्ति सुरक्षामा खलबल र्पुयाउनुका साथै समाज भाँड्ने काम गरेको ताप्लेजुङवासीको आरोप छ ।
महतो ‘नो केबलकार’ समूहसँग पवित्र तीर्थस्थल पाथीभरा क्षेत्रमा ‘जय पाथीभरा माता’को नारा लगाउँदै जानुको साटो मुर्दावादका नारा लगाउँदै गएको र जिल्ला र समाज भाँड्ने अभिव्यक्ति दिँदै हिँडेका कारण उनलाई कालो झण्डा देखाइएको स्थानीय सुन्दर लिम्बुले बताए ।
लिम्बुले ताप्लेजुङका नागरिक विकास र केबलकारको पक्षमा रहेकाले जिल्ला बाहिरबाट गएर विकासको विरोध र समाज भाँड्ने काममा नलाग्न सबैलाई आग्रह पनि गरे ।
यसैबीच ताप्लेजुङका स्थानीयले केवलकार चाहिन्छ भन्दै वृहत शान्ति र्याली निकालेकय छन् । सदरमुकाममा स्थानीयहरुको ठूलो समूहले केवलकारले जिल्लाको विकास हुने भन्दै यसलाई नरोक्न आन्दोलनरत पक्षलाई खबरदारी समेत गरेकय छन् ।
