काठमाडौँ । अमेरिकाको न्याय मन्त्रालयका वकिलहरूले न्यूयोर्क सहरका मेयर एरिक एडम्स विरुद्धको आपराधिक मुद्दा अन्त्य गर्ने निर्णयको बचाउ गरेका छन् । 

गत साता न्याय मन्त्रालयले एडम्सविरुद्ध ठगी र घूसखोरीको आरोप खारेज गर्ने एउटा प्रस्ताव दायर गरेको थियो । म्यानहाटनका एक शीर्ष अमेरिकी अभियोजकसहित न्याय मन्त्रालयका सात जना वकिलहरूले उक्त मुद्दा खारेज गर्ने निर्णयको विरोधमा राजीनामा दिएको बिबिसीले जनाएको छ । 

न्यूयोर्क सहरका मेयर एरिक एडम्समाथि भ्रष्टाचार र ठगीको आरोप लागेको थियो छ। सन् २०२४ सेप्टेम्बरमा उनलाई अनुचितरुपमा १० मिलियन डलर लिएको आरोप छ । एडम्सले यी आरोप अस्वीकार गर्दै राजीनामा नदिने बताउँदै आएका छन् ।  

अमेरिकी राष्ट्रपति डोनाल्ड ट्रम्पले न्याय विभागलाई एडम्सविरुद्धका सबै आरोपहरू खारेज गर्न आदेश दिएपछि उनलाई अभियोगबाट मुक्त गर्ने घोषणा गरेको थियो । 

यो घोषणा लगत्तै संघीय न्यायाधीशले एडम्सको मुद्दा अनिश्चितकालका लागि स्थगित गरिसकेका छन् । तर न्यायाधीशले मुद्धा खारेज भने नभएको बताएका छन् । 

एरिक एडम्स सन् २०२१ नोभेम्बर २ मा सम्पन्न चुनावमा विजयी भएका थिए । उनले सन् २०२२ जनवरी १ मा न्यूयोर्क सहरको ११०औं मेयरको रूपमा पद सम्हालेका थिए । 

पूर्व प्रहरीसमेत रहेका एडम्स डेमोक्र्याटिक पार्टीका हुन् ।  उनले चुनावमा ६७५ भन्दा बढी मत ल्याएर जितेका थिए । उनी न्यूयोर्क सहरका दोस्रो अफ्रिकन–अमेरिकी मेयर हुन् ।