काठमाडौँ । राष्ट्रिय प्रजातन्त्र पार्टी (राप्रपा) ले काठमाडौँ महानगरपालिकालाई १ लाख रुपैयाँ जरिमाना तिरेको छ ।

फागुन २५ गते काठमाडौँमा आयोजना गरेको एक कार्यक्रममा फोहोर गरेको तथा सार्वजनिक सम्पत्तिको हानी नोक्सानी पुर्याएको भन्दै काठमाडौँ महानगरले राप्रपालाई १ लाख रुपैयाँ जरिमाना तिर्न पत्र पठाएको थियो ।

पूर्वराजा ज्ञानेन्द्र शाह आफ्नो निजी भ्रमणमा पोखराबाट काठमाडौँ फर्कदा राप्रपा लगायतका राजावादी दल र विभिन्न संघ संस्थाले स्वागत गरेका थिए । सो स्वागत कार्यक्रमका क्रममा सार्वजनिक सम्पत्तिमा क्षति पुर्याएको तथा फोहोर गरेको भन्दै महानगरले फोहोरमैला व्यवस्थापन सहितका ३ ऐनको प्रवाधान उल्लेख गरेर राप्रपालाई १ लाख रुपैयाँ जरिमाना तिर्न भनेको थियो ।