काठमाडौँ । मधेस प्रदेश सरकार ७ चैतबाट सुरु हुने एसईई परीक्षा प्रक्रियामा सामेल नहुने भएको छ । पत्रकार सम्मेलन गर्दै मुख्यमन्त्री सतिशकुमार सिंहले एसईई परीक्षा प्रक्रियामा प्रदेश सरकार सामेल नहुने घोषणा गरेका छन् ।
केन्द्राध्यक्ष चयन प्रक्रियाप्रति असन्तुष्ट मधेश प्रदेशका मुख्यमन्त्री सिंहले आफ्नो असन्तुष्टिअनुसार गोलाप्रथाबाट केन्द्राध्यक्ष चयन नभएपछि मधेश प्रदेश यो प्रक्रियाबाट बाहिर बस्ने निर्णयमा पुगेको बताएका छन् ।
प्रदेश सरकार र संघ सरकारको निर्देशनलाई चुनौती दिनेगरी केन्द्राध्यक्ष चयन गरिएकोमा उनको आपत्ति छ । उनले संघ, प्रदेश र स्थानीय सरकारबीचको सहकार्य, समन्वय र सहअस्तित्व भविष्यमा सुदृढ हुने अपेक्षा गर्दै यसपटकको एसइई परीक्षा प्रक्रियामा प्रदेश सरकार सामेल नहुने जानकारी गराए ।
मुख्यमन्त्री सिंहले आठै जिल्लाका एसईई परीक्षा समन्वय समितिका अध्यक्ष तथा प्रमुख जिल्ला अधिकारीको भेला बोलाएर गोलाप्रथाबाट केन्द्राध्यक्ष चयन गर्न निर्देशन दिएका थिए । तर, निर्देशन विपरित केन्द्राध्यक्ष छानिएपछि सरकारले यो निर्णय लिएको हो ।
यस्तो छ मुख्यमन्त्रीको भनाइ
