काठमाडौँ । भोजपुरको पौवादुङमा गाउँपालिकाले ७५० जना किसानलाई कृषि सामग्री वितरण गरेको छ । यो भनेको ५१ रुपैयाँ बरावरको सहयोग भएको गाउँपालिकाले जनाएको छ ।
५० प्रतिशत अनुदानमा कृषि सामग्री वितरण गरेको गाउँपालिकाका प्रमुख प्रशासकीय अधिकृत नवीन भट्टराईले जानकारी दिए । उनले किसानलाई व्यावसायिक अकबरे खुर्सानी खेतीका लागि मल्चिङ प्लाष्टिक, प्लाष्टिक टनेल, हातेट्र्याक्टर, प्लाष्टिक पोखरी, स्प्रेलगायतका सामग्री दिइएको बताए ।
७० लाख रुपैयाँ बरावरको कृषि सामग्री ५० प्रतिशत अनुदानमा वितरण गर्ने लक्ष्क्ष्य गाउँपालिकालको छ ।
कृषिमा नमूना बनाउने लक्ष्यका साथ लगानी गरिरहेको गाउँपालिका अध्यक्ष किरण राईले बताए ।
गाउँपालिकाले कृषि सामग्रीसँगै अन्य सहयोग गरेपछि व्यावसायिक ढङ्गले कृषिमा लाग्न प्रोत्साहन मिलेको स्थानीय किसान बताउँछन् ।
उता, ताप्लेजुङको मैवाखोला गाउँपालिका–६ साम्तोङका १११ घर परिवारलाई सोलार बत्ती वितरण गरिएको छ । प्रदेश सरकारको अनुदान सहयोगमा चारवटासम्म बत्ती बाल्न र मोबाइल चार्ज गर्न मिल्ने ५० वाट क्षमताको सोलार वितरण गरिएको हो ।
