काठमाडौँ । नेपाल नगरपालिका संघ र गाउँपालिका राष्ट्रिय महासघले स्थानीय तहमा पठाइने बित्तीय समानीकरण अनुदानको रकम कटौती नगर्न आग्रह गरेको छ ।
आज अर्थमन्त्री विष्णु पौडेललाई भेटेर संघका पदाधिकारीले अनुदान रकम कटौती नगर्न आग्रह गरेका हुन् ।
उपप्रधानमन्त्रीसमेत रहेका अर्थमन्त्री पौडेलसँग भेटेर समानीकरण अनुदान कटौती नगर्न संघले ज्ञापनपत्र समेत वुझाएको छ ।
नेपाल नगरपालिका संघका अध्यक्ष एवं नीलकण्ठ नगरपालिकाका नगर प्रमुख भीम प्रसाद ढुंगाना सहित गाउँपालिका राष्ट्रिय महासंघका महासचिव खिमथापा र संघका कार्यकारी निर्देशक कलानिधि देवकोटालगायतले अर्थमनत्री भेटेका हुन् ।
पछिल्लो पटक सरकारले समानीकरण अनुदान कटौती गर्ने प्रयास थालेको छ भने राष्ट्रिय प्राकृतिक श्रोत तथा बित्त आयोगले भने अनुदानको रकम बढाउँदै लैजान सुझाव दिदै आएको छ । तर सुझाव विपरित सरकारले समानीकरण अनुदानको रकम कटौती गर्दै आएको छ ।
