काठमाडौँ । ललितपुर राष्ट्रिय प्राकृतिक श्रोत तथा वित्त आयोगले ललितपुर महानगरपालिकालाई ३९ करोड ७२ लाख रुपैयाँ बित्तीय समानीकरण अनुदान दिन प्रस्ताव गरेको छ ।
आयोगले संघीय संचित कोषबाट खर्च हुने गरी स्थानीय तहहरुलाई न्युनतम, सुत्रमा आधारित र कार्यसम्पादनमा आधारित रहेर वित्तीय समानीकरण अनुदान रकम उपलव्ध गराउँदै आएको छ ।
आयोगले ललितपुर महानगरलाई ७ करोड ७५ लाख रुपैयाँ न्युनतम, ३१ करोड ३४ लाख रुपैयाँ सुत्रमा आधारित र ६३ लाख रुपैया कार्यसम्पादनमा आधारित अनुदान दिने प्रस्ताव गरेको हो ।
महानगरले ३९ करोड रुपैयाँ पाउँदा ललितपुरको महांकाल गाउँपालिकाले सबैभन्दा कम अनुदान पाउने देखिएको छ ।
महांकालले ६ करोड ७८ लाख रुपैयाँ अनुदान पाउँदा बागमती गाउँपालिकाले ७ करोड ७८ लाख रुपैया, कोञ्ज्योसोम गाउँपालिकाले ७ करोड १४ लाख रुपैयाँ समानीकरण अनुदान पाउने भएका छन् ।
आगामी आर्थिक वर्षका लागि ललितपुरको गोदावरी नगरपालिकाले १८ करोड ९० लाख रुपैयाँ अनुदान पाउँदा महालक्ष्मी नगरपालिकाले १७ करोड ८८ लाख रुपैयाँ अनुदान पाउने भएको हो ।
उता भक्तपुर नगरपालिकाले १९ करोड ४१ लाख, मध्यपुर थिमि नगरपालिकाले २० करोड ७७ लाख, सूर्यविनायक नगरपालिकाले २० करोड ६४ लाख र चाँगुनारायण नगरपालिकाले १६ करोड १५ लाख रुपैयाँ वित्तीय समानीकरण अनुदान पाउने भएका छन् ।
