काठमाडौँ । मधेश प्रदेश सरकारले स्थानीय तहको समन्वय बिनै विकास आयोजना संचालन गर्ने भन्दै बिचौलिया परिचालन गरेको भन्दै जीतपुरसिमरा उपमहानगरपालिकाले प्रदेश सरकारमाथि गम्भीर आक्षेप लगाएको छ ।
जीतपुरसिमरा उपमहानगरपालिकाका मेयर राजन पौडेलले मधेश प्रदेशका मुख्यमन्त्रीलाई पत्र लेख्दै प्रदेश सरकारको बजेटबाट बन्ने आयोजनामा उपमहानगरपालिकासँग समन्वय समेत नगरी अनधिकृत व्यक्तिहरु उपभोक्ता समिति गठन गर्न लागिपरेको आरोप लगाइएको छ ।
संविधान र प्रचलित कानुनले विकास आयोजनाहरु संचालनको जिम्मा स्थानीय सरकारको भए पनि उपमहानगरपालिकाको आधिकारिक च्यानलमा नआइ बिचौलिया प्रयोग गरेर उपभोक्ता समिति गठनका लागि दवाब दिनेलगायतका काम भएको मेयरको गुनासो छ ।
उनले सवै वडाहरुमा उपमहानगरसँग समन्वय नगरी योजना र रकमको प्रलोभन लिएर आउने विचौलियादेखि जोसुकैसम्मलाई पनि वेवास्ता गर्न र समिति गठन गर्न अनुमति नदिन भनिसकेको समेत बताएका छन् ।
यस्तो छ मेयरले मुख्यमन्त्रीलाई लेखेको पत्र
