काठमाडौँ । जापानको योकोसुका सिटीका मेयरसहितको टोलीलाई भरतपुर महानगरपालिकाले स्वागत गरेको छ । सो टोली भरतपुर महानगरपालिका भ्रमणका लागि आएको हो ।
योकोसुका सिटीका मेयर कामिजी क्याटसुअकिसहितको टोलीलाई आज महानगर प्रमुख रेनु दाहाल र उपप्रमुख चित्रसेन अधिकारीले स्वागत गरेका छन् ।
जापानबाट आएको कामिजीसहितको १० जनाको समूहलाई स्वागत गर्दै दाहालले नेपाल र जापानबीच १ सेप्टेम्वर, १०५६ मा दौत्य सम्बन्ध सुरु भई सद्भावपूर्ण सम्बन्ध, आपसी समझदारी तथा नेपालको पूर्वाधार र विकासका साथै अन्तरराष्ट्रिय मञ्चमा सहकार्य हुँदै आएको स्मरण गरिन् ।
भरतपुर महानगरपालिकाले फोहर मैला व्यवस्थापनमा जापानको सहयोगको अपेक्षा गरेको उनको भनाइ छ ।
योकोसुका सिटीका प्रमुख कामिजीले भरतपुरको पर्यटन प्रवद्र्धनमा सहयोग गर्ने बताए ।जापानमा काम गर्न इच्छुक नेपाली नागरिकको अवस्थाबारे प्रत्यक्ष बुझ्न र जापानी भाषाको पढाइबारे प्रत्यक्ष हेर्न पाएको उनको भनाइ छ ।
