काठमाडौँ । गणतन्त्रबादी र राजावादीहरुले काठमाडौँ उपत्यकामा बेग्लाबेग्लै स्थानमा प्रर्दशन गर्ने तयारी गरिरहेका छन् ।
यो तयारीबीच काठमाडौँ महानगरपालिका भने उपत्यकाका विभिन्न स्थानमा फोहोर गरेको भन्दै दुबै प्रर्दशनकारीबाट एक एकएक लाख रुपैयाँका दरले जरिमाना गर्ने तयारी थालेको छ ।
जरिमाना प्रयोजनका लागि महानगरीय प्रहरीलाई दल र अभियानकर्ताहरुले प्रदर्शन र जुलुस गर्ने स्थानको शुक्ष्म निगरानी गर्न भनिएको महानगर श्रोतले जनाएको छ ।
काठमाडौँ महानगरपालिकाले यसअघि नेकपा एमाले, राप्रपा लगायतका दललाई पनि प्रर्दशनका क्रममा उपत्यकाका विभिन्न स्थानमा फाहेोर गरेको भन्दै एक लाख रुपैयाँका दरले जरिमाना गर्दै आउको छ ।
तत्कालनि राजा ज्ञानेन्द्र शाहलाई पोखराबाट काठमाडौँ फर्कने क्रममा गरिउको स्वागतमा फाहोर गरेको भन्दै महानगरले राप्रपालाई १ लाख रुपैयाँ जरिमाना तोकेको थियो ।
सो जरिमाना राप्रपा संसदीय दलका सचेतक ज्ञानेन्द्र शाहीले महानगरमै पुगेर तिरे भने एमालेले भने अहिलेसम्म तिरेको छैन । एमालेलाइ पनि आमसभामा दरवारमार्गमा फोहोर गरेको भन्दै महानगरले जरिमाना तोकेको थियो ।
आज नेकपा माओवादी केन्द्रको तेनृत्वमा बामपन्थी मोर्चाको व्यानगरका उपत्यकाका विभिन्न ८ स्थानबाट प्रर्दशन गरी भोटाहिटीमा आमसभाको तयारी छ ।
यता नवराज सुवेदी नेतृत्वको राजावादीहरुको अभियानले राजसंस्था र हिन्दुराष्ट्र स्थापना तथा संघीयता खारेजीको माग गर्दै काठमाडौँको तिनकुनेमा प्रदर्शनको तयारी गरिरहेको छ ।
