काठमाडौँ । राजावादीहरुको आन्दोलनले उग्ररुप लिएपछि तिनकुने, कोटेश्वर र सिनामंगल क्षेत्रमा कर्फ्यु आदेश जारी गरिएको छ । 

तिनकुनेमा निस्किएका राजावादी समर्थकले प्रहरी घेराबन्दी तोड्न खोजेपछि सुरु भएको झडपले उग्ररुप लिदै गएपछि सो क्षेत्रमा आन्दोलनकारीहरुले ढुंगामुढा र तोडफोड गरेका छन् । 

सुरुमा एउटा निजी घरमा आगलागी र तोडफोड गरेका आन्दोलनकारीले सुविधानगरमा रहेको नेकपा एकीकृत समाजवादीको पार्टी कार्यालय तोडफोड र आगजनी गरेका छन् । 

उनीहरुले अन्नपूर्ण पोष्ट दैनिकको कार्यलयमा समेत क्षति पुुर्याएका छन् । कोटेश्वरको भाटभटेनी सुपरमार्केटलगायतका स्थानमा समेत आगजनी भएपछि प्रशासनले भीड र अराजकता नियन्त्रण गर्न निशेधाज्ञा जारी गरेको हो ।