काठमाडौँ । काभ्रेपलाञ्चोकको भुम्लु गाउँपालिकाले पालिकाभरका सामुदायिक विद्यालयका लागि एउटै रंग र प्रकारको पोशाक तोकिदिएको छ ।
दाताको स्वार्थ र विद्यालय तथा अभिभावकको अनुकुलतामा जथाभावी विद्यालय पोशाक तय हुँदा एकरुपता नदेखिएको भन्दै यसै शैक्षिक सत्रदेखि नयाँ ड्रेस कोड कार्यान्वयनमा ल्याउन लागिएको प्रमुख प्रशासकीय अधिकृत कृष्णबहादुर खत्रीले जानकारी दिए ।
खत्रीका अनुसार २२० जिएसएमको गाडा निलो रंगको रातो र पहेलो रंगको २ वटा धर्का भएको, अगाडि गाउँपालिकाको लोगो र पछाडि सम्वनिधत विद्यालयको नाम र ठेगाना लेखएिको पोशाक विद्यार्थीले लगाउनु पर्नेछ ।
भुम्लुमा ३७ वटा सामुदायिक विद्यालय छन् । ती सवै विद्यालयमा एउटै पोशाक कायम गर्न गाउँ शिक्षा समितिले गत १३ चैतमा निर्णय गरेको थियो ।
प्रमुख प्रशासकीय अधिकृत खत्रीका अनुसार विपन्न विद्यार्थीका लागि भने गाउँपालिका र सम्वन्धित वडाले पोशाकको व्यवस्था गर्ने छन् भने अभिभावकहरुले पनि अब पालिकाले तोकेको पोशाक नै खरिद गर्नुपर्नेछ ।
