काठमाडौँ । काठमाडौँको टोखास्थित झोरमा ट्रकमा भेटिएको २५ करोड बराबरको डलर र युरोको मालिक नारायण पौडेल भएको खुलेको छ ।
प्रहरीको लामो अनुसन्धानपछि सिन्धुपाल्चोकको भोटेकोशी गाउँपालिका–४ स्थायी घर भइ हाल सामाखुसी बस्दै आएका पौडेलको भएको र उनले नै सो बरावरको रकम चीन पठाउन खोजेको प्रहरीको दाबी छ ।
टोखा नगरपालिका–१) बस्ने नारायण पौडेलको रहेको खुलेको छ । गत चैत ४ गते राति ना ७ ख १६५२ नम्बरको ट्रकमा लुकाएर लाँदै गरेको अवस्थामा प्रहरीले सिन्धुपाल्चोकका ४३ वर्षीय कुसान लामालाई पक्राउ गरेको थियो ।
भोटेकोशी गाउँपालिका–१ का लामाले चालक सिट पछाडि फल्स बटम बनाएर रकम राखेको अवस्थामा प्रहरीले पक्राउ गरेको थियो ।
चालक पक्राउ परे पनि वास्ताविक मालिक को हुन भन्ने खुलेको थिएन । तर अनुसन्धानपछि पौडेल नै यसमा संलग्न रहेको प्रहरीकोे निष्कर्ष छ ।
डलर र युरो कारोवारमा संलग्न पौडेल भुकम्पले तातोपानी नाका बन्द हुनुअघि सो नाका हुँदै चिनियाँ सामानको व्यापार गर्थे ।
भोटेकोसी गाउँपालिका वडा नम्बर ४ का वडाअध्यक्ष टासी शेर्पाका अनुसार अहिले पनि उनका बाुबाआमा भोटेकोसीमै बस्छन् भने पौडेल परिवारसहित सामाखुसीमा बस्छन् । स्थानीयवासीले दिएको जानकारी अनुसार पौडेलको काठमाडौँ चक्रपथमासमेत घर छ । स्थानीयका अनुसार उनी गाउँमा पैसा कमाएको मान्छेका रुपमा चिनिन्छिन् ।
