काठमाडौँ । काठमाडौँ महानगरपालिकाका प्रवक्ता नविन मानन्धरले महानगरका प्रमुख प्रशासकीय अधिकृतलाई सबै वडाअध्यक्ष र कर्मचारीले कार्यालयमा हाजिर गराउने तयारी गरिरहेकोे बताएका छन् ।
मेयर वालेन साहले प्रमुख प्रशासकयि अधिकृत सरोज गुरागाइलाई कार्यालय प्रवेशमा रोक लगाउन नगर प्रहरी परिचालन गरेको तर आफुलहरुले जसरी पनि हाजिर गराउने तयारी गरेको उनले वडापालिकालाई बताए ।
अहिले काठमाडौँ महानगरपालिका परिसरमा वडा नम्बर ५, ६, ७, २२ लगायतका वडाका वडाअध्यक्ष र कर्मचारी गुरागाईको स्वागतका लागि बसेका छन् भने नगरप्रहरी गुरागाईको कार्यकक्ष अघि बसेका छन् ।
मेयर उनलाई रोक्ने पक्षमा देखिदा कार्यालयमै रहेकी उपमेयर सुनिता डंगोलले भने अहिलेसम्म मुख खोलेकी छैनन् । प्रवक्ता मानन्धरले प्रमुख प्रशासकीय अधिकृत गुरागाइँ हाजिर हुन आउन लागेको र आफुहरु स्वागतका लागि उपस्थित भएको उनको भनाइ छ ।
लामो समयदेखि प्रमुख प्रशासकीय अधिकृतबिहीन बन्दा महानगरको आर्थिक गतिविधि ठप्प भएको भन्दै वडाअध्यक्ष र कर्मचारीहरुले जसरी पनि गुरागाईलाई कार्यालयमा हाजिर गराउने बताएका छन् ।
