काठमाडौँ । काठमाडौँ महानगरपालिकाका प्रहरी प्रमुख राजुनाथ पाण्डेले महानगरका कर्मचारीप्रति असन्तुष्टी जनाएका छन् ।

मेयर बालेन्द्र शाहको निर्देशनमा प्रमुख प्रशासकीय अधिकृत सरोज गुरागाईंलाई कार्यालय प्रवेश रोक्न खटिएका पाण्डेले प्रमुख प्रशासकीय अधिकृतको स्वागतमा कर्मचारी उपस्थित भएपछि असन्तुष्टी जनाएका हुन् ।

कर्मचारीले कार्यालय समयमा काम गर्नुपर्ने भन्दै उनले राजनीति गर्न नहुने बताए ।

‘कर्मचारीले कार्यालय समयमा काम गर्ने हो, कुर्सीमाथि चढ्ने, राजनीति गर्ने होइन । कार्यालयको सुरक्षा गर्ने जिम्मेवारी हाम्रो हो, हामी सुरक्षा दिन्छौं,’ महानगर प्रहरी प्रमुख पाण्डेले भने । उनले आफूहरु ६ महिना भोकै भएपनि सुरक्षा दिन सक्ने बताए । प्रमुख प्रशासकीय अधिकृत नहुदा ३ महिनादेखि कर्मचारीले तलब नपाएको तथ्य सार्वजनिक भइरहेको छ ।