काठमाडौँ । काठमाडौँ महानगरपालिकाका प्रमुख प्रसाशकीय अधिकृत सरोज गुरागाइँले अन्ततः कार्यलय प्रवेश गरेर हाजिर गरेका छन् । कर्मचारी र जनप्रतिनिधिले नगर प्रहरीको अवरोधबीच कार्यालय छिराइएकाका गुरागाईलाई कार्यकक्ष पस्न नगर प्रहरीले रोकेका थिए । 

नगर प्रहरीले गुरागाईको कार्यकक्षमा ताला लगाइदिएपछि कर्मचारीले जर्वजस्ती ताला फोर्न खोजेका थिए । तर नगर प्रहरी प्रमुख राजुनाथ पाण्डेको नेतृत्वको टिमले उनलाई कार्यकक्ष प्रवेशमा रोक लगाएका थिए । 

कार्यकक्षामा पस्न नपाएपछि उपमेयर सुनिता डंगोलको नेतृत्वमा बहुमत जनप्रतिनिधि र कर्मचारीहरुको बैठकले गुरागाईलाई हाजिर गराउने निर्णय गर्दै हाजिर गराएका हुन् । 

सो बैठकमा मेयर बालेनसहित सिमित जनप्रतिनिधि अनुपस्थित थिए । तर कार्यपाकिलकाका बहुमत जनप्रतिनिधिले  हाजिर गराउने निर्णय गरेपछि गुरागाईले कार्यभार सम्हालेका हुन् ।