बागलुङ । कृषकहरुले लगाएको मकैबाली हावाहुरीले नष्ट गरेपछि तमानखोला गाउँपालिकाले पीडित किसानलाई राहत दिने भएको छ ।
गत साताको हावाहुरकिा कारण पालिकाका कृषकहरुको मकैबालीमा गम्भीर क्षति पुगेको थियो । गाउँपालिका अध्यक्ष जोकलाल बुढा मगरका अनुसार हावाहुरीले करिव ७०० रोपनी क्षेत्रफलमा लगाइएको मकैबाली नष्ट गरेको छ ।
यसबाट कृषकले किसानले ५० लाख रुपैयाँ भन्दा वढीको क्षति व्यहोरेका छन् । गाउँपालिकाले ७०० घरधुरीलाई प्रतिघर एक मुरी मकैको बिउ राहतस्वरुप उपलव्ध गराउने अध्यष वुढामगरले बताए ।
कृषकले बाली बीमा नगरेक कारण सबै क्षतिको जिम्मा लिन समस्या भएकाले अब बाली बीमाको अवधारणापनि संगसंगै अघि सारेको उनको भनाई छ ।
पालिकाभित्र लम्पी स्कीन संक्रमणका कारण कृषकले थुप्रै गाईभँैैसी पनि गुमाएका छन् ।
संक्रमणबाट हालसम्म १५५ पशुचौपाया मरिसकेका छन् । ती पशुचौपायाका पाल्ने किसानलाई प्रतिपशु २ हजार ५०० रुपैयाा नगद उपलब्ध गराइने अध्यषले बताए ।
उनले पालिका अन्तर्गतका सबै पशुपालक किसानलाई समूह बनाएर पालिकाले पशु बीमा गरिदिने पनि उनको भनाइ छ ।
हावाहुरीका कारण गाउँपालिका–१ र २ को सेन्नामा, पहिरा, बोङ्गानी, सोम्मरलगायतका गाउँका करिब ७००सय रोपनी क्षेत्रफलमा लगाएको मकै पूर्ण रुपमा नष्ट भएको थियो ।
