काठमाडौँ । काठमाडौँ महानगरपालिकापछि बीरगंज र पोखरा महानगरपालिकाले पनि विद्यालय बन्द गरेर आन्दोलन नगर्न सामुदायिक विद्यालयका शिक्षकहरुलाई आग्रह गरेका छन् ।
दुबै नगरपालिकाले आज विज्ञप्तिमार्फत विद्यालय बन्द गर्ने शिक्षक महासंघको निर्णय पुर्नबिचार गरेर पठन पाठन सुचारु नगरे शिक्षकहरुलाई कारवाही गर्ने बताएका छन् ।
पढ्न पाउने मौलिक हकको हनन भएको भन्दै महानगरपालिकाहरुले तत्काल आन्दोलनका स्वरुप परिवर्तन गरी कक्षाकोठाको पठनपाठन प्रभावित नहुने गरी आन्दोलनका कार्यक्रम गर्न भनेका छन् ।
बीरजंग महानगरपालिकाका प्रमुख प्रशासकीय अधिकृतले विज्ञप्ति जारी गर्दै महानगरभित्रका विद्यालय ततकाल सुरु नगरे सम्वन्धित विद्यालयका प्रधानअध्यापकहरुले यसको जिम्मेवारी लिनुपर्ने बताएका छन् ।
उता पोखरा महानगरपालिकाका मेयर धनराज आचार्यले विज्ञप्ति जारी गर्दै पढ्न पाउने हक कुण्ठित नगर्न शिक्षकहरुलाई आग्रह गरेका छन् ।
भरतपुर महानगर नरम
भरतपुर महानगरपालिका भने अन्य नगरपालिकाको तुलनामा शिक्षकहरुको आनदोलनप्रति नरम देखिएको छ ।
उसले शिक्षकहरका अन्य मागमा ऐक्यवद्धता जनाउदै विद्यालय बन्द गरेर गरिने आन्दोलनको स्वरुप भने परिमार्जन गर्न आग्ह गरेको छ ।
नगर शिक्षा अधिकारी महेन्द्र प्रसाद पौड्यालले आज विज्ञप्ति जारी गर्दै स्वरुप परिवर्तन गर्न आग्रह गरेका छन् ।
