कैलाली । धनगढी उपमहानगरपालिकाले नगरपालिकाभित्रका ज्येष्ठ नागरिकहरुलाई तीर्थाटनका लागि मुस्ताङको मुक्तिनाथ पठाएको छ ।
नगरप्रमुख गोपाल हमाल लगायतले आज एक कार्यक्रम गरी नगरभित्रका १९० जना ज्येष्ठ नागरिकलाई धार्मिक यात्रामा पठाएको हो ।
तीर्थाटनका लागि हिडेका सबैको खर्च नगरपालिकाले व्यहोर्ने जनाएको छ । ज्येष्ठ नागरिकहरुको सम्मानका लागि नगरपालिकाले यो अभियान चालेको नगर प्रमुख हमालको भनाइ छ ।
उनीहरुलाई बाजागाजासहित उपमहानगरपालिकाले खादा लगाएर बिदाइ गरेको हो । नगरले नीति तथा कार्यक्रममै ज्येष्ठ नागरिकलाई तीर्थाटन गराउने नीति ल्याउदै बजेटसमेत बिनियोजन गरेको थियो ।
नगरपालिकाले मृत्यु संस्कार सम्पन्न गर्न हरेक मृतकका परिवारलाई ५ हजार रुपैयाँ खर्चसमेत दिदै आएको छ ।
मृत्यु भएकै दिन नगरपालिकाको शव बाहनले घाटसम्म लगिदिने र दाहसंस्कार खर्चबापत ५ हजार रुपैयाँ दिदै आएको छ ।
