काठमाडाैँ । फुटपाथ व्यवसाायी भरपर्दो विकल्प नदिइ सडक पेटीलगायतका स्थानबाट लखेट्ने काठमाडौंँ महानगरपालिकाको नीतिविरुद्ध निरन्तर उभिएर आन्दोलन गरिरहेका अभियन्ताको आन्दोलनलाई काठमाडौँ महानगरपालिकाका मेयर बालेन शाहले राजनीतिक रङ दिएका छन् ।
फुटपाथ व्यवासायीमाथि महानगरको नीतिविरुद्ध २ असोजदेखि महानगरअघि उभिएर आन्दोलन गरिरहेका गरिवीको चमेली बोल्दिने कोही छैन अभियान चलाइरहेका अभियन्ता ईः लगायतको आन्दोलनमा दलीय घुसपेठ भएको मेयरको आरोप छ ।
उनले बार्ता गर्न बोलाउँदा पनि नआएको भन्दै सामाजिक सञ्जाल फेसवुकमार्फत उनीहरु राजनीतिक स्वार्थ जोडिएका कारण वार्तामा नआएको बताएका छन् ।
उनले लेखेका छन्–
बिगत केही दिन देखि केही अभियन्ताहरु आन्दोलनमा हुनुहुन्थ्यो, उहाँहरुको कुरा सुन्न उहाँहरु उभिरहेको ठाउँमा म आफै गएर बार्ता गरौं यहाँहरुको कुरा र समस्या सुनौं भन्दा अभियन्ताहरु संवादमा बोलाउदा आउन खोज्नुभएन । लोकतान्त्रिक अभ्यासमा सबै कुरा समाधान संवादबाट नै हुनुपर्छ भन्ने कुरा हामीले बुझेको छाँ , सायद कुनै राजनीतितक स्वार्थ जोडिएर आउन नखोज्नु भएको होला भन्ने हामीले बुझेको छौँ । के वार्ता हामीले उहाँहरुको नेता संग गर्न पर्ने ?
