संघीय संसदमा भोलि ४ बजे बोल्दै राष्ट्रसंघका महासचिव गुटेरेस
काठमाडौँ । संयुक्त राष्ट्रसंघका महासचिव एन्टोनियो गुटेरेसले भोलि अर्थात १४ कात्तिकमा संघीय संसदको संयुक्त सदनलाई सम्बोधन गर्ने भएका छन् ।
सम्बोधन गर्ने प्रयोजनका लागि संघीय संसद्को संयुक्त बैठक मंगलबार अपराह्न ४ बजेलाई तोकिएको छ ।
प्रतिनिधिसभाका सभामुख देवराज घिमिरेले राष्ट्रिय सभाका अध्यक्ष गणेशप्रसाद तिमिल्सिनासँगको परामर्शमा मंगलबार ४ बजेका लागि बैठकको समय निर्धारण गरेको संघीय संसद्का महासचिव डा भरतराज गौतमले बताए ।
गौतमले सोमबार जारी गरेको सूचनामा कात्तिक १४ गते चार बजे बैठक बस्ने उल्लेख छ । उनका अनुसार संयुक्त बैठक नयाँ बानेश्वरको अन्तर्राष्ट्रिय सम्मेलन केन्द्रस्थित प्रतिनिधि सभा बैठक कक्षमा बस्नेछ ।
प्रकाशित मिति: सोमबार, कात्तिक १३, २०८० १५:३६
प्रतिक्रिया दिनुहोस्
साताको लोकप्रीय
